17 iyul 2012 16:08
Qarabağ yenidən Türkiyəyə yola düşür
“Qarabağ” yenidən Türkiyəyə yola düşür. Azerisport.az xəbər verir ki, təlim-məşq toplanışının ikinci mərhələsi üçün komanda yenidən qardaş ölkəyə yollanır.
İyulun 14-də Qızılcahamamda ilk mərhələni başa vuraraq geri qayıdan ağdamlılar 3 günlük aradan sonra bu dəfə fərqli məkana gedir. Bakı – İstanbul reysiylə hərəkət edəcək komanda sonuncu şəhərdən avtobusla Boluya hərəkət edəcək. Daha doğrusu komanda Bolunun Gerede adlı qəsəbəsindəki “Essentepe” otelinə yollanacaq.
İyulun 30-na kimi adı çəkilən məkanda məskunlaşacaq komanda 13 günlük müddətdə 5 yoxlama oyunu keçirməyi planlaşdırır.
“Qarabağ” iyulun 30-da Ankara – Bakı reysiylə geri dönəcək.
