17 iyul 2012 18:46
Avropanın ən yaxşı futbolçusu adına namizədlər açıqlandı
UEFA 2011-2012-ci il mövsümündə Avropanın ən yaxşı oyunçusu adına 32 namizəd futbolçunun siyahısını dərc edib. Azerisport.az xəbər verir ki, siyahıya qitə çempionluğunu qorumağı bacaran İspaniya yığmasının 8 üzvü daxil edilib.
Onlardan Andres İnyesta, Xavi və Sesk Fabreqas İspaniya “Barcelona”sında, Serxio Ramos, Xabi Alonso və İker Kasilyas “Real”da, David Silva İngiltərə “Manchester City”sində, Fernando Torres isə “Chelsea”də çıxış edir. Əvəzində finalçı İtaliya millisi 3 oyunçu – Mario Balotelli (“Manchester City”), Canluiçi Buffon, Andrea Pirlo (hər ikisi “Juventus”) ilə təmsil olunub. Siyahıda ən çox futbolçusu olan klub “Manchester City”di. “Şəhərlilər”in 6 oyunçusu siyahıya düşüb. İngiltərənin “Chelsea” komandasının 4 futbolçu “32-liy”ə düşüb. “Barcelona”nın da bu qədər oyunçusu var ki, onlardan biri də mükafatın hazırkı sahibi Lionel Messidi.
Serxio Aquero – Argentina, Manchester City
Xabi Alonso – İspaniya, Real
Mario Balotelli – İtaliya, Manchester City
Yakub Blaşikovski – Polşa, Borussia Dortmund
Canluici Buffon – İtaliya, Juventus
Robin van Persi – Hollandiya, Arsenal
Raul Qonsales – İspaniya, Schalke/Əl-Sədd
Didye Droqba - Fil Dişi Sahili, Chelsea/Şanxay Şenxua
Lesli Devis – Uels, Bangor City
Zlatan İbrahimoviç – İsveç, Milan
Andres İnyesta – İspaniya, Barcelona
Şindzi Kaqava – Yaponiya, Borussiya Dortmund/Manchester United
İker Kasilyas – İspaniya, Real
Vensan Kompani – Belçika, Manchester City
Fabio Koentrao – Portuqaliya, Real
Frenk Lempard - İngiltərə, Chelsea
Lionel Messi – Argentina, Barcelona
Luka Modriç – Xorvatiya, Tottenham
Pepe – Portuqaliya, Real
Andrea Pirlo – İtaliya, Juventus
Serxio Ramos – İspaniya, Real
Kristiano Ronaldo – Portuqaliya, Real
Ueyn Runi - İngiltərə, Manchester United
David Silva – İspaniya, Manchester City
Fernando Torres – İspaniya, Chelsea
Yaya Ture - Kot d İvuar, Manchester City
Sesk Fabreqas – İspaniya, Barcelona
Radamel Falkao – Kolumbiya, Atletico
Co Hart - İngiltərə, Manchester City
Petr Çex – Çexiya, Chelsea
Məsut Özil – Almaniya, Real
Xavi Ernandes – İspaniya, Barcelona
Avqustun 14-də namizədlər siyahısı 3-ə enəcək. Qalib isə avqustun 30-da Monakoda Çempionlar Liqasının püşkatma mərasimində açıqlanacaq. Onun adına UEFA-ya üzv ölkələrin idman jurnalistləri arasında səsvermə yolu ilə aydınlıq gələcək.
