17 iyul 2012 12:53
Neftçi – Zestafoni matçına 4500 bilet satılıb
UEFA Çempionlar Liqasının ikinci təsnifat mərhələsi çərçivəsində Azərbaycan çempionu “Neftçi” ilə Gürcüstan təmsilçisi “Zestafoni” arasında bu gün keçiriləcək ilk oyunda anşlaq gözlənilir. Azerisport.az xəbər verir ki, artıq satışa çıxarılan biletlərin 4500-ü satılıb.
Ötən gün biletlərin 1500-ü satılmışdısa, bu gün günorta saatlarınadək buna daha 3000 azarkeş əlavə olunub. Qarşılaşma saatına qədər bütün biletlərin satılacağı bildirilir.
Qeyd edək ki, oyunun keçiriləcəyi “Dalğa Arena” 6700 azarkeş tutumuna malikdi. Qarşılaşma saat 21:00-da start götürəcək.
