18 iyul 2012 01:51
Yığmamızın sabiq üzvü baş məşqçisiz qaldı
Futbol üzrə Azərbaycan milli komandasının və “Bakı”nın sabiq futbolçusu Fabio Luis Ramimin ötən həftə müqavilə bağladığı Türkiyənin “Karşıyaka” klubunda baş məşqçi istefası gerçəkləşib. Azerisport.az xəbər verir ki, Yücel İldiz yeni mövsümə hazırlıq ərəfəsində istefa verib.
İldizin bu vəzifədə fəaliyyəti cəmi 35 gün çəkib. 59 yaşlı mütəxəssis klub prezidenti Cihan Büyükoralla aralarında yaranan anlaşılmazlığı səbəb göstərib. Onun sözlərinə görə, şərtlərinin məşqlər bərpa olunanadək yerinə yetiriləcəyini gözləsə də, bu, baş verməyib.
Qeyd edək ki, “Karşıyaka” Türkiyənin birinci liqasında mübarizə aparır. Ramim isə son olaraq “Bakı”nın şərəfini qoruyub.
