18 iyul 2012 15:36
Altı Lech azarkeşi Qazaxıstandan birbaşa Lənkərana gəlib
Sabah Avropa Liqasının ikinci təsnifat mərhələsində “Xəzər Lənkəran”la ilk oyuna çıxacaq Polşa “Lech”i Lənkəranda dəstəksiz qalmayacaq. Azerisport.az xəbər verir ki, poznanlıların altı azarkeşi artıq Lənkərandadı.
Onlar ölkəmizə birbaşa Qazaxıstandan gəliblər. Məlum olduğu kimi, “Lech” Avroliqanın ilk təsnifat mərhələsində məhz bu ölkənin təmsilçisiylə - “Jetisu” ilə qarşılaşdıb. Həmin səfər matçına gedən 51 azarkeşdən 45-i komanda ilə birgə Polşaya qayıtsa da, onların altısı Qazaxıstanda qalmağa üstünlük verib. Onlar Aktaudan birbaşa Bakıya gəlməyə üstünlük veriblər.
Qeyd edək ki, “Xəzər Lənkəran” – “Lech” oyunu sabah saat 20:00-da Lənkəran şəhər stadionunda oynanılacaq. İstisna deyil ki, komanda ilə birgə "Lech"i dəstəkləməyə daha çox azarkeş gəlsin.
