18 iyul 2012 15:50
Qarabağ sabah Türkiyə klubu ilə qarşılaşacaq
“Qarabağ” artıq Gerededədi. Azerisport.az xəbər verir ki, dünən axşam təlim-məşq toplanışının 2-ci mərhələsi üçün Bakı – İstanbul reysiylə Türkiyəyə gələn komanda axşam saatlarında Bolunun Gerede qəsəbəsinə çatıb.
Bu gün səhər isə ağdamlılar ilk məşqə çıxıblar. Yerli vaxtla 12:30-da məşqə çıxan komanda 90 dəqiqəlik çalışma yerinə yetirib. Məşqdə bütün futbolçular iştirak edərkən sadəcə yüngül zədəsi olan Hacı Əhmədov fizioterapevt nəzarətində fərdi olaraq çalışıb.
“Qarabağ” 13 günlük müddətdə 5 yoxlama oyunu keçirməyi planlaşdırır. Artıq sabah komanda ilk hazırlıq matçına çıxacaq. Sabah yerli vaxtla 18:00-da “Tavşanlı Linyitspor”la qarşılaşacağıq. Oyun 60 km aralıda yerləşən Qızılcahamamda baş tutacaq.
