18 iyul 2012 16:54
Lech viza problemi ilə üzləşib
Polşanın “Lech” klubu Azərbaycana gəlmək üçün viza problemi ilə üzləşib. Azerisport.az xəbər verir ki, Avropa Liqasının ikinci təsnifat mərhələsi çərçivəsində sabah “Xəzər Lənkəran”la ilk oyuna çıxacaq Poznan klubu Qazaxıstanın “Jetisu” komandasını mübarizədən kənarlaşdıran kimi Azərbaycanın Polşadakı səfirliyinə müraciət edib.
Lakin bu bir həftə bütün komanda üzvlərinə və məşqçi heyətinə viza almaq üçün yetərli deyildi. Buna baxmayaraq, səfirliyimiz bütün gücünü səfərbər edərək, Polşa klubunun nümayəndə heyəti üçün məhz uçuş günü - bu gün viza problemini yoluna qoya bilib. Polşa mətbuatının yazdığına görə heyətin bütün üzvləri viza ala bilib.
Yeri gəlmişkən qeyd edək ki, “Lech” artıq ölkəmizdədi. 15:00-da Bakıya çatan komandanın üzvləri axşam saatlarına qədər Lənkəranda olmalıdı. Polşalılar axşam saat 21:00-da Lənkəran şəhər stadionunda son məşqə də çıxacaqlar.
