18 iyul 2012 21:25
“Bakıya qələbə üçün gəlmişik”
Yunanıstanın “Asteras” klubunun baş məşqçisi Sakis Tsiolis sabah keçiriləcək Avropa Liqasının ikinci təsnifat mərhələsinin “İnter”lə oyunu öncəsi bu gün Bakıda jurnalistlərlə görüşüb. Azerisport.az xəbər verir ki, o, “bankirlər”lə qarşılaşma barədə öncə bunları dilə gətirib:
“Bizi ağır oyun gözləyir. “İnter” güclü komandadı. Onlar güclü rəqiblərə qarşı oynamağı bacarırlar. Bakılılar həm də əla cinah hücumları qura bilirlər. Biz isə avrokuboklarda debütantıq. Bu yöndə heç bir təcrübəmiz yoxdu. Amma mümkün qədər yaxşı oynamağa çalışacağıq”.
“Bizi ağır oyun gözləyir. “İnter” güclü komandadı. Onlar güclü rəqiblərə qarşı oynamağı bacarırlar. Bakılılar həm də əla cinah hücumları qura bilirlər. Biz isə avrokuboklarda debütantıq. Bu yöndə heç bir təcrübəmiz yoxdu. Amma mümkün qədər yaxşı oynamağa çalışacağıq”.
Yunanıstanlı mütəxəssis Bakıya məğlub olmağa gəlmədiklərini deyir: “İnter” kifayət qədər sürətli komandadı. Amma biz də Bakıya qələbə üçün gəlmişik. Layiqli oyun sərgiləmək istəyirik. Fikrimcə, səfər matçında heç-heçə də pis nəticə olmazdı”.
Tsiolis komandamızın heyətindən danışarkən əsasən bir futbolçunu fərqləndirib: “Rəqibin heyətində daha çox Slavço Georgiyevski xoşuma gəlir”.
“Asteras”ın çalışdırıcısı “Dalğa Arena”nın ot örtüyündən də danışıb: “Bu, bizə problem yarada bilər. Çünki futbolçularımız süni örtükdə oynamağa o qədər də alışıq deyil”.
O, komandasındakı problemlərdən də söz açıb: “Bir itkimiz var. Müdafiəçi Xristos Pipenas Azərbaycana gələ bilmədi. Onun bizimlə yola çıxmasına hərbi xidmətlə bağlı yaranan problem səbəb oldu. Amma oyun saatına qədər Pipenasın da Bakıya gəlməsini gözləyirik. Sadəcə, onun oynayıb-oynamayacağı hələ dəqiq bilinmir”.
