19 iyul 2012 15:38
Xəzər Lənkəranda yeni forvard
“Xəzər Lənkəran”ın düşərgəsinə yeni futbolçu gəlib. Azerisport.az xəbər verir ki, bu, makedoniyalı forvard Filip Petkovskidi.
1990-cı il təvəllüdlü futbolçu ikinci liqa klubundan gəlib. Belə ki, o, “Tikves” klubunun üzvüdü. Baş məşqçi Yunis Hüseynov bu futbolçunu sınadıqdan sonra qərarını verəcək.
Petkovski karyerasına 2009-cu ildə “Rabotniçki”də başlayıb və 31 oyunda 2 qol vurub. 2010-2011 mövsümündə icarə əsasında “Tikves”də çıxış edən hücumçu 6 oyunda 1 qol vurub. Bu ilin əvvəlində o, bu kluba transfer olunub. Petkovski meydana çıxdığı 8 qarşılaşmada 10 qol vurub.
Petkovski Makedoniya U-21-nin sabiq üzvüdü. O, 2009-2011-ci illərdə gənclər yığmasının formasını geyinib.
