Zestafoni Neftçi ilə cavab matçının yayımına 100 000 avro istəyir

Gürcüstanın “Zestafoni” klubu “Neftçi” ilə cavab oyununun yayımına böyük məbləğdə qiymət qoyub. Azerisport.az xəbər verir ki, Gürcüstan çempionu UEFA Çempionlar Liqasının ikinci təsnifat mərhələsinin cavab oyunu üçün 100 000 avro qiymət müəyyənləşdirib.

 

Bu qiymət Azərbaycan telekanallarına aiddi. Belə ki, ölkəmizdən oyunu yayımlamaq istəyən telekanal 100 min avrosundan keçməlidi. Oyunun Gürcüstanda yayım hüququ isə bu ölkənin İctimai Televiziyasına məxsusdu.

 

Azərbaycandan bu oyunu yayımlamaq istəyən telekanalların isə bu məbləğdən 3-4 dəfə az pul ödəməyə razıdılar. Lakin gürcülər Azərbaycan tərəfinin şərtlərini qəbul etmək fikrində deyirlər. Məsələnin necə həll olunacağı isə hələlik qaranlıq qalır.

 

Qeyd edək ki, “Neftçi” və “Zestafoni” arasında Bakıda baş tutan oyunda təmsilçimiz 3:0 hesablı qələbə qazanıb. Görünür, qonşu ölkə təmsilçisi artıq komandamızı mübarizədən kənarlaşdırmağın mümkünsüzlüyünü görüb və acığını bu yolla çıxmağa çalışır. Hər halda bu da başadüşüləndi.

 

“Neftçi” və “Zestafoni” arasındakı cavab qarşılaşması iyulun 24-də Zestafonidə keçiriləcək.