20 iyul 2012 15:49
Tahir Süleymanov: İlk oyunu yenə evdə keçirməyimizi istərdik
“Neftçi”nin vitse-prezidenti Tahir Süleymanov UEFA Çempionlar Liqasının üçüncü təsnifat mərhələsinin püşkatmasını dəyərləndirib. Azerisport.az xəbər verir ki, ikinci təsnifat mərhələsində Gürcüstan çempionu “Zestafoni”ni keçəcəkləri halda növbəti mərhələdə Slovakiya “Jilina”sı və ya İsrail “Hapoel”i (Kiryat Şmona) ilə qarşılaşmalı olacaq paytaxt klubunun rəsmisi bunları dilə gətirib:
“Biz hazırda ikinci təsnifat mərhələsinin Gürcüstan “Zestafoni”si ilə cavab oyunu barədə düşünürük. Yalnız cavab oyunundan sonra üçüncü mərhələ haqda düşünə bilərik. İndi sadəcə onu deyə bilərəm ki, komandamız rəqibin kimliyindən asılı olmayaraq, meydana çıxıb sona kimi döyüşməyə hazırdı.
“Biz hazırda ikinci təsnifat mərhələsinin Gürcüstan “Zestafoni”si ilə cavab oyunu barədə düşünürük. Yalnız cavab oyunundan sonra üçüncü mərhələ haqda düşünə bilərik. İndi sadəcə onu deyə bilərəm ki, komandamız rəqibin kimliyindən asılı olmayaraq, meydana çıxıb sona kimi döyüşməyə hazırdı.
Üçüncü təsnifat mərhələsinin püşkatmasına əsasən ilk oyunu səfərdə keçirməliyik. Amma biz ilk oyunu evdə keçirməyi istərdik. Lakin indidən nəsə demək hələ tezdi”.
Qeyd edək ki, “Neftçi”nin “Zestafoni” ilə ilk oyunu 3:0 komandamızın xeyrinə başa çatıb. Cavab görüşü iyulun 24-də keçiriləcək. “Hapoel”lə “Jilina” arasındakı ilk oyunda isə slovaklar 1:0 hesabıyla üstün olmuşdular.
