22 iyul 2012 18:12
Neftçi Gürcüstanda sülhə razılaşdı
“Neftçi”nin əvəzedici heyəti Gürcüstanda hazırlığını davam etdirir. Azerisport.az xəbər verir ki, iyulun 16-dan etibarən Kobuleti şəhəri yaxınlığındakı Ureki qəsəbəsində məskunlaşan komanda baş məşqçi Elşad Əhmədovun rəhbərliyi altında gündə iki dəfə məşq edir.
Əvəzedicilər hazırlıq çərçivəsində ilk yoxlama oyununu Gürcüstanın “Mertsxali” klubuna qarşı keçirib. Görüş 0:0 hesabı ilə nəticələnib. “Neftçi” növbəti sınaq matçına iyulun 25-də çıxacaq. Bir gün öncə isə əvəzedici komanda Çempionlar Liqasının ikinci təsnifat mərhələsinin cavab oyununda “Neftçi”nin əsas komandasını dəstəkləmək üçün Zestafoniyə yollanacaq.
Həmin qarşılaşma iyulun 24-də Bakı vaxtı ilə saat 22:00-də baş tutacaq.
