23 iyul 2012 00:45
Asteras İnterlə oyun öncəsi alman futbolçu alır
Yunanıstanın “Asteras” klubu Avropa Liqasının ikinci təsnifat mərhələsinin Bakı “İnter”i ilə cavab oyunu öncəsi heyətinə növbəti futbolçunu qatmağa hazırlaşır. Azerisport.az xəbər verir ki, Tripolis təmsilçisi hazırda “Karlsrue”də forma geyən Patrik Duleki baxışdan keçirir.
Baş məşqçi Sakis Tsiolis 22 yaşlı alman futbolçunu bəyəndiyini açıqlayıb. Böyük ehtimalla onunla tezliklə müqavilə imzalanacaq.
Qeyd edək ki, “İnter”lə “Asteras” arasında Bakıda keçirilən ilk oyunda 1:1 hesablı heç-heçə qeydə alınmışdı. Cavab oyunu isə iyulun 26-da Tripolisdəki “Asteras Tripolis” stadionunda keçiriləcək və saat 22:00-da başlayacaq.
