23 iyul 2012 13:29
Bologna və Cesenanın sabiq üzvü Azərbaycan klubuna keçir
Yunanıstanın millisinin sabiq müdafiəçisi Vangelis Moras karyerasını Azərbaycanda davam etdirə bilər. Azerisport.az xəbər verir ki, onun xidmətində Premyer Liqa klublarımızdan biri maraqlıdı.
Futbolçunun Yunanıstan mətbuatına verdiyi məlumata görə, ona Azərbaycan klubu ilə yanaşı PAOK da təklif göndərib. Azərbaycan klubu isə Morasa görə 500 min avrosundan keçməyə hazırdı. İndi müdafiəçinin seçimini hansı klubun xeyrinə edəcəyi bilinmir.
Qeyd edək ki, 1981-ci ildə Larisada anadan olan yunan futbolçu peşəkar karyerasına məhz yerli “Larissa”da başlayıb. O, 1999-2001-ci illərdə bu komandada 28 oyuna 1 qol vurub. 2001-2003-cü illərdə isə “Proodeftiki”nin şərəfini qoruyub - 35 oyun. 2003-cü ildə AEK-ə transfer olunan arxa xətt oyunçusu 2007-ci ilə qədər bu komandada 84 oyuna çıxıb. 2007-ci ildə Moras İtaliya klubuna – “Bologna”ya transfer olunub. 2011-ci ilə qədər bu komandada çıxış edən futbolçu 104 oyuna 4 qol vurub. 2011-2012 mövsümünü isə o, İngiltərənin “Swansea City” klubunda keçirib. Amma burda o, cəmi 1 oyuna çıxıb. Bu ilin əvvəlində isə yenidən İtaliyaya qayıdaraq “Cesena”nın şərəfini qoruyub və burda 15 oyun keçirib.
