23 iyul 2012 12:03
Foqts Nazim Süleymanovu Neftçinin oyununa göndərdi
Futbol üzrə Azərbaycan milli komandasının baş məşqçisinin köməkçisi Nazim Süleymanov UEFA Çempionlar Liqasının ikinci təsnifat mərhələsinin cavab oyunları çərçivəsində keçiriləcək "Zestafoni" - "Neftçi" oyununu izləyəcək. Azerisport.az xəbər verir ki, o, baş məşqçi Berti Foqtsun göstərişinə əsasən qonşu ölkəyə yollanıb.
Qeyd edək ki, bu oyun iyulun 24-də, Gürcüstanın Zestafoni şəhərindəki David Abaşidze adına stadionda keçiriləcək və Bakı vaxtı ilə saat 22:00-da start götürəcək. Bu komandalar arasında Bakıda keçirilən oyunda “ağ-qaralar” 3:0 hesabıyla qalib gəlmişdilər.
