23 iyul 2012 22:20
Qəbələ daha bir Serbiya klubuna məğlub oldu (YENİLƏNİB)
Sloveniyada təlim-məşq prosesini davam etdirən “Qəbələ” bu gün növbəti yoxlama görüşünə çıxıb. Azerisport.az xəbər verir ki, baş məşqçi Fatih Kablak komandasını daha bir Serbiya klubu ilə qarşılaşmada sınaqdan keçirib.
Rəqib “BSK Borça” klubu olub. Paytaxt Belqradı təmsil edən klubun əsası 1937-ci ildə qoyulub. Komanda Serbiya Superliqasında mübarizə aparır. Bu komanda ilə görüş "Qəbələ" üçün yaxşı başlayıb. Lakin ilk yarıda hesabı açan komandamız fasilədən sonra buraxdığı qollarla görüşü məğlub başa vurub.
Qeyd edək ki, “Qəbələ” Sloveniyadakı ilk yoxlama oyununu Çexiya təmsilçisi “MFK Karvina”ya qarşı keçirmişdi və 0:1 hesabıyla məğlub olmuşdu. Serbiya klubları - “İndiya” (0:2) və “Rad”la (1:2) görüşlər də məğlubiyyətlə başa çatıb.
Yoxlama oyunu
23 iyul
QƏBƏLƏ - BSK BORCA - 1:2 (1:0)
Qol: Aleksandr Çertoqanov, 32.
