24 iyul 2012 16:14
Xəzər Lənkəranın ilk məşqi gec baş tutacaq
Xəbər verdiyimiz kimi, Polşaya ötən gün yollanmalı olsa da, təyyarə problemi üzündən səfəri baş tutmayan “Xəzər Lənkəran” artıq bu ölkəyə çatıb. Azerisport.az xəbər verir ki, Lənkəran klubu çarter reysi ilə yollandığı Poznandadı.
Poznandakı “Andersiya” otelində məskunlaşan “Xəzər Lənkəran” Polşada ilk məşqinə bu gün çıxacaq. İlk məşq bu gün Polşa vaxtı ilə saat 19:00-da keçiriləcəkdi. Lakin həmin vaxt “Lech” klubun məşq meydançasında özü hazırlıq keçəcək. Bu üzdən də “ağ-yaşıllar” yalnız bundan sonra məşqə çıxacaqlar.
Komandamızın oyun öncəsi son rəsmi məşqi isə sabah saat 20:00-da baş tutacaq.
Qeyd edək ki, "Lech" - "Xəzər Lənkəran" qarşılaşması iyulun 26-da Bakı vaxtı ilə saat 23:00-da start götürəcək. Bu komandalar arasındakı ilk oyun 1:1 hesabıyla başa çatıb.
