24 iyul 2012 11:44
Simurqun Avstriyadakı rəqibi dəyişdi
2012-2013-cü il mövsümünə hazırlıq çərçivəsində Avstriyada təlim-məşq toplanışında olan "Simurq" Peşəkar Futbol Klubu bu gün növbəti yoxlama görüşünə çıxacaq. Azerisport.az xəbər verir ki, 3-cü yoldaşlıq matçında bu komanda Bolqarıstanın "Lokomotiv” (Plovdiv) kollektivi ilə qarşılaşmalı idi.
Lakin təşkilatçılar tərəfindən rəqib dəyişilib. "Simurq" Türkiyə Super Liqasına yeni vəsiqə qazanmış "Akhisar Belediyespor"la yoxlama görüşü keçirdəcək. Yoldaşlıq qarşılaşması Bakı vaxtı ilə 20:00-da start götürəcək.
Xatırladaq ki, Georgi Çixradzenin yetirmələri Avstriyada hazırlıqları davam etdirir. Ötən gün də iki məşqə çıxan komandanın səhər idmanı qaçış və isinmə hərəkətləri ilə başlayıb. Daha sonra sarı-qaralar qısa ötümələr üzərində məşq edib. Bundan sonra iki yerə bölünən futbolçular, cəld hüçum qurma və qapıya zərbə endirmək tapşırığı üzərində işləyib. Axşam məşqidə yüngül qaçış və isinmə hərəkətləri ilə start götürüb. Daha sonra Çixradze yetirmələrini dar alanda hentbol oynamaq tapşırığını verib. Axşam idmanının sonunda komanda iki hissəyə bölünərək futbol oynayıb.
Qeyd edək ki, "Simurq"un məşqlərin klub rəhbərliyi də izləyib.
