24 iyul 2012 21:20
AZAL - Rizespor matçı yarıda qaldı (YENİLƏNİB)
Növbəti mövsümə hazırlığı davam etdirən AZAL bu gün Türkiyə toplanışı çərçivəsində növbəti sınaq matçına çıxıb. Azerisport.az xəbər verir ki, “təyyarəçilər”in bu dəfəki rəqibi Türkiyə klubu olub.
Belə ki, bakılılar “Çaykur Rizespor”la üz-üzə gəliblər. Qardaş ölkənin TFF birinci liqasında çıxış edən bu komanda son mövsümdə 18 klub arasında 3-cü olub. Qarşılaşma Boludakı “Koru” otelinin meydançasında baş tutub. Lakin oyun tam başa çatmayıb. Belə ki, ilk yarıda türklərin bir qol vurduğu qarşılaşmanın ikinci hissəsi başlamayıb. Amma matçın tam başa çatdırılmamasının səbəbləri hələlik dəqiq bilinmir.
Xatırladaq ki, AZAL qardaş ölkədəki hazırlıq prosesi çərçivəsində Türkiyə Super Liqasında çıxış edən “Antalyaspor”a 0:2 hesabıyla uduzmuş, “Mersin İdmanyurdu”na 2:1 qalib gəlmişdi. Ardından Səudiyyə Ərəbistanının “Najran” klubuna 1:0 qalib gələn “təyyarəçilər” yerli “Kartalspor”a divan tutmuşdu – 3:0. “Qarabağ”la dueldə isə 4:0 hesablı darmadağın qeydə alınmışdı.
Yoxlama oyunu
24 iyul
AZAL - ÇAYKUR RİZESPOR - 0:1 (matç başa çatmayıb)
Oyun başladı
27-ci dəqiqədə Türkiyə klubu hesabı açır - 0:1
Birinci hissə başa çatdı
İkinci hissə başladı
