25 iyul 2012 14:36
“Ümumi nəticələr məni qane edir”
“Rəvan”a yeni transfer olunmuş Amit Quluzadə Türkiyədə keçirilən təlim-məşq toplanışı və yoldaşlıq oyunları haqda öz təəssüratlarını bölüşüb. Azerisport.az xəbər verir ki, o, klubun rəsmi saytına müsahibəsində bunları dilə gətirib:
"Məşqlərdən çox razıyam. Kimsə onların daha gərgin və yüksək tempdə keçməyi haqda düşünə bilər. Ancaq mən düşünürəm ki, yeni mövsümə əsl hazırlıq məhz bu cür keçməlidi”.
"Eskişehirspor”a olan məğlubiyyəti çox soyuqqanlı qarşıladıq. Bu normal haldı, çünki komanda təlim xarakterli oyunlar keçirir, istənilən nəticə ola bilər.
Türkiyədə keçirilən bütün oyunlarında fərqli üslubda oynayırdıq. Bunun səbəbi hər oyunda müxtəlif strategiyaya uyğun tapşırıqların alınması və komandaların fərqli oyun göstərməsi idi. Ümumi nəticələr məni qane edir. Hazırda isə, "Bucaspor” ilə keçirəcəyimiz yoldaşlıq oyununa hazırlaşırıq. Son matçda komanda yoldaşlarıma uğurlar arzu edirəm”.
