25 iyul 2012 15:09
Sumqayıtdan daha bir transfer açıqlaması (FOTO)
2012/2013 mövsümü üçün hazırlığını Türkiyənin Nevşehir bölgəsində davam etdirən "Sumqayıt" Futbol Klubu növbəti transferini rəsmiləşdirib. Azerisport.az xəbər verir ki, "Berliner AK"da forma geyinən Azərbaycan əsilli Murad Doymuş komandamızla ikiillik müqavilə imzalayıb.
Qeyd edək ki, 1985-ci il təvəllüdlü mərkəz müdafiəçisi son iki mövsüm Berlin klubunun kapitanı olub.
Qeyd edək ki, Murad 2004-cü ildə "Maynts"la peşəkar müqavilə imzalayıb. O, bu klubun əvəzedicilərində 36 oyunda iki qol vurub. Adıçəkilən futbolçu 2006/2007 mövsümünü "Berliner AK"da keçirib (21 oyun, 1 qol). 2007-ci ildən 2010-cu ilə qədər "Türkiyemspor"da çıxış edən Murad 77 qarşılaşmada rəqib qapılarından 5 top keçirib. Yeni transferimiz son iki mövsümü "Berliner AK"da keçirib (50 oyun, 6 qol).
