25 iyul 2012 22:58
Azərbaycanın Yunanıstandakı səfirliyi İnteri dəstəksiz qoydu
Məlum olduğu kimi, sabah Azərbaycanın “İnter” klubu Avropa Liqasının ikinci təsnifat mərhələsi çərçivəsində Yunanıstanın “Asteras” komandası ilə cavab görüşünə çıxacaq. Azerisport.az xəbər verir ki, paytaxt klubu bu məqsədlə artıq ötən gündən Yunanıstanın Tripolis şəhərindədi.
Lakin çox təəssüf ki, komandamız bu taleyüklü səfər matçında elə də güclü dəstək hiss etməyəcək. Belə ki, Azərbaycanın Yunanıstandakı səfirliyi “bankirlər”ə diqqət ayırmayıb. Oyun zamanı da səfirlik səviyyəsində hansısa dəstək gözlənilmir. Maraqlıdı ki, heç bu ölkədə yaşayan həmyerlilərimizdən də “İnter”ə azarkeşlik etməyə gələn gözlənilmir.
“Asteras”la qarşılaşmada “İnter”i yalnız bu oyunu işıqlandırmağa gedən jurnalistlər və “bankirlər”in fan-klubunun 20-yə yaxın üzvü dəstəkləyəcək. Qarşılaşma iyulun 26-da “Asteras Tripolis” stadionunda keçiriləcək və Bakı vaxtı ilə saat 22:00-da start götürəcək. Komandaların ilk oyunu 1:1 hesabıyla başa çatıb.
