25 iyul 2012 11:19
“Artıq özümü bakılı kimi hiss edirəm”
Avstriyada təlim-məşq toplanışında olan “Simurq”un “Akhisar Belediyespor”la keçirdiyi yoldaşlıq görüşündə oyunu izləyənlər arasında tanınmış bir sima da var idi. Azerisport.az xəbər verir ki, uzun müddət “Neftçi”də forma geyinmiş və Azərbaycanda futbolçu karyerasını başa vurmuş Vladimir Miçoviç “Simurq”un oyununa tamaşa etməyə gəlmişdi. Matçdan sonra o, Zaqatala klubu haqqında fikirlərin açıqlayıb.
- Miçoviç, təcrübəli futbolçu kimi “Simurq” haqqında nə deyə bilərsiz? Bu gün də komandamızın oyununu izlədiniz.
- Onu deyə bilərəm ki, “Simurq”da hazırda rəhbərliklə futbolçular arasında əla abuhava var. Bunu həm oteldə, həm də meydanda görmək olur. Bu günkü oyunda da uşaqlar göstərdi ki, “Simurq” bu il ciddi rəqib olacaq. Komandanın oyunun çox bəyəndim. Futbolçular həqiqətən meydanda sonadək mübarizə aparırdı və çalışırdılar.
- Uzun müddət Azərbaycanda futbol oynamısınız və təbii ki, “Simurq”a qarşı da forma geymisiz. Həmin dövrdən hansısa maraqlı hadisə yadınızda qalıb?
- Bəli, mən “Neftçi”də oynadığım vaxt “Simurq”a qarşı çox forma geymişəm. Onu qeyd edim ki, bu oyunlar həmişə həm Bakıda, həm də Zakatalada bizim üçün çox çətin keçirdi. Bakıdakı bir qarşılaşmanı heç vaxt yadımdan çıxartmıram. Həmin matçda “Neftçi” mütləq qələbə qazanmalı idi. Ancaq təəssüf ki, həmin oyunda 1:0 məğlub olduq və çempionluq yolunda çox vacib xal itirdik. Həmin vaxt “Simurq” həm mənim, həm də “Neftçi”nin əhvalın çox pis korlamışdı. Ancaq nə etmək olar. Bu futboldur.
- Komandamızda hansı futbolçularla yaxşı münasibətləriniz var?
- Burda bir çox futbolçu ilə mənim əla münasibətim var. Bir neçəsi ilə birlikdə oynamışam. Yerli futbolçuların əksəriyyəti ilə tanışam. Onlar içərisində yaxın dostlarımda var. Klub rəhbərliyində yaxşı tanıyıram və onlarla burda münasibətdə olduğum üçün çox şad oldum.
- Futbolçu karyeranızı bitirsəzdə Azərbaycan futbolu ilə, klubları ilə maraqlanırsız?
- Çox təəssüf ki, futbolçu həyatımı bitirmişəm. Ancaq qeyd edim ki, mən hələ də Bakıda yaşayıram. Bütün oyunlara baxıram. Çempionatı yaxından izləyirəm. Bakını çox xoşlayıram və artıq özümü bakılı kimi hiss edirəm.
- Necə fikirləşirsiniz, “Simurq” bu mövsüm çempionatda nəticə əldə edə biləcəkmi?
- Əminəm ki, “Simurq” bu il ilk altılığa oynayacaq. Komandanın bunun üçün əla şansı var. Əlbəttə, mən də buna görə çox şad olaram. Məmnuniyyətlə bütün oyunlarını yaxından izləyəcəm. “Simurq” həmişə möhkəm komanda olub. Fikrimcə, yeni mövsümdə istədiyi nəticəyə nail olacaq. (klubun saytı)
