Bakı yeni mövsümə ciddi itkilərlə hazırlaşır (FOTO)

Qarşıdan gələn mövsümün hazırlıqlarını gündə iki məşqlə klubun təlim-məşq bazasında davam etdirən “Bakı” dünən də iki məşqə çıxıb. Azerisport.az xəbər verir ki, axşam məşqi bir saatdan çox davam edib.  Komandanın məşqi taktiki çalışmalar və topla hərəkətlər üzərində qurulub.

 

Məşqdə Elvin Əliyev, Əziz Quliyev və Cəmşid Məhərrəmov iştirak etməyiblər. Zədəli futbolçulardan əlavə komandanın kosta-rikalı hücumçusu Uinston Parks da komandadan ayrı fərdi məşq keçir. Uinston Parksın zədəsi nisbətən yüngül, digər adışəkilən futbolçuların isə zədələri daha ciddidi.

 

Ayağında sınıq olan Əziz Quliyevin gələn ayın ortalarında, Cəmşid Məhərrəmovun isə komandaya 20 gün ərzində qoşulması gözlənilir. Elvin Əliyev zədəsi isə daha ciddidi. Onun komanda ilə birgə məşq etməsinin tarixi məlum deyil.