27 iyul 2012 13:11
“Xəzər Lənkərana çox qol vura bilmədiyimizə görə məyus oldum”
Polşanın “Lech” klubunun yarımmüdafiəçisi Mateuş Mojdjen UEFA Avropa Liqasının ikinci təsnifat mərhələsi çərçivəsində “Xəzər Lənkəran”a qarşı keçirdikləri cavab matçı ilə bağlı fikirlərini açıqlayıb. Azerisport.az xəbər verir ki, o, Poznanda baş tutan həlledici qarşılaşma ilə bağlı bunları dilə gətirib:
“Bizə “Xəzər Lənkəran”ın nisbətən təhlükəli oyunçularını dayandırmaq müyəssər oldu. Biz onların cinahlardakı oyununu və standart vəziyyətlər zamanı hər bir hərəkətlərini nəzarətdə saxladıq. Düzünü deyim ki, mən daha çox qol vura bilməməyimizə görə bir qədər məyusam. 1:0 çox sürüşkən hesabdı. Çünki belə olan halda üstünlüyü əldən vermək riski yüksək olur. Amma xoşbəxtlikdən biz onu sona qədər itirmədik”.
Qeyd edək ki, bu komandalar arasında Lənkəranda keçirilən ilk oyunda 1:1 hesablı heç-heçə qeydə alınmışdı. Cavab oyunu isə meydan sahiblərinin qələbəsi ilə başa çatdı – 1:0.
