27 iyul 2012 17:56
“İnterin çıxışından razı qala bilmərəm”
“İnter”in futbolçusu Georgi Adamiya UEFA Avropa Liqasının ikinci təsnifat mərhələsi çərçivəsində Yunanıstan “Asteras”ına qarşı keçirdikləri cavab matçından sonra azerisport.az saytının suallarını cavablandırıb.
- Cavab oyunu barədə nə deyə bilərsiz?
- Çox təəssüf ki, mərhələ keçə bilmədik. Penaltilər zamanı qələbəyə ümid edirdim. Səfərdə evdəkindən də yaxşı oynadıq. Nə deyəcəyimi bilmirəm. Penalti lotereyadı. Bizim bunda bəxtimiz gətirmədi. Bütün oyun boyu rəqib ancaq heç-heçəyə oynadığı halda, sonda gülən tərəf oldular.
- Çox təəssüf ki, mərhələ keçə bilmədik. Penaltilər zamanı qələbəyə ümid edirdim. Səfərdə evdəkindən də yaxşı oynadıq. Nə deyəcəyimi bilmirəm. Penalti lotereyadı. Bizim bunda bəxtimiz gətirmədi. Bütün oyun boyu rəqib ancaq heç-heçəyə oynadığı halda, sonda gülən tərəf oldular.
- Amma ilk qolu da onlar vurdular...
- Mən deməzdim ki, “Asteras” daha yaxşı oynadı. Sadəcə, oyuna yaxşı start verdilər. İlk 15 dəqiqədə çox fəal idilər. Amma bizim təslim olmadığımızı görüb, ehtiyatlı oynamağa başladılar. Biz çoxsaylı qol epizodlarından yararlana bilmədik. Buna görə də cəzalandıq. Düzdü, sonradan özümüzə gəlib, qol vurduq. Lakin əsas bunun davamını gətirmək idi ki, onu da bacarmadıq.
- “İnter” avrokuboklar tarixində ikinci dəfə penaltilərlə məğlub oldu...
- Bu, mənim üçün ilk belə təcrübə idi. Komandaya yenicə gəlmişəm. Penaltilərlə uduzmaq komandaya həmişə pis təsir edir. Çünki biz 120 dəqiqə ərzində heç də pis təsir bağışlamırdıq.
- Komandanızın avrokuboklardakı çıxışından razı qaldınız?
- Mən maksimalistəm. Ona görə də bu nəticəmizdən razı qala bilmərəm. “Asteras”ı keçəcəyimizə inanırdım. İstənilən halda bir mərhələ komandamız üçün elə də böyük uğur sayıla bilməz. Biz daha çoxuna nail olmaq istəyirdik.
- Mən maksimalistəm. Ona görə də bu nəticəmizdən razı qala bilmərəm. “Asteras”ı keçəcəyimizə inanırdım. İstənilən halda bir mərhələ komandamız üçün elə də böyük uğur sayıla bilməz. Biz daha çoxuna nail olmaq istəyirdik.
- Sizcə, “Asteras” “Maritimo”nu keçə biləcək?
- Onlar daha çox artırmalıdılar. Mən onların portuqaliyalıları məğlub edəcəklərinə inanmıram.
- Çempionata hazırlaşmaq çətin olmayacaq ki?
- Bizim başqa yolumuz yoxdu. Yenidən avrokuboklarda oynamaq istəyirik. Bunun üçün isə çempionatda yaxşı oynamaq vacibdi. Özü də ilk rəqibimiz “Qarabağ”dı. İndi bizə bir neçə gün istirahət etmək lazımdı. Ardından hazırlıqlarımızı bərpa edəcəyik.
