27 iyul 2012 18:17
Azərbaycanın rəqibi Bakıda yoldaşlıq görüşü keçirəcək
Bu il sentyabrın 22-dən oktyabrın 13-dək Azərbaycanda keçiriləcək FIFA U-17 qadınlararası dünya çempionatında iştirak edəcək Kanada və Çin yığmaları turnirə hazırlıq məqsədilə Bakıda yoldaşlıq oyunu keçirmək arzusunda olduqları ilə bağlı AFFA-ya müraciət ediblər. Azerisport.az xəbər verir ki, bu barədə AFFA-nın rəsmi saytı məlumat yayıb.
Azərbaycan tərəfi isə öz növbəsində onlara müsbət cavab verib. Beləliklə, sentyabrın 17-də Bakı şəhərində 17 yaşadək qızlardan ibarət Kanada və Çin yığmaları arasında yoldaşlıq oyunu keçiriləcək.
Xatırladaq ki, Kanada yığması DÇ-2012-də yığmamızla bərabər A qrupunda, Çin komandası isə D qrupunda mübarizə aparacaq.
