27 iyul 2012 11:41
Avroliqada üçüncü təsnifat mərhələsinin bütün cütləri bəlli oldu
Futbol üzrə UEFA Avropa Liqasında 2012-2013 mövsümü 3-ci təsnifat mərhələsinin bütün iştirakçıların adları, eləcə də cütlüklər müəyyənləşib. Azerisport.az xəbər verir ki, qitənin nüfuzuna görə ikinci dərəcəli klub turnirinin ikinci təsnifat mərhələsində mübarizə aparan 80 klub ötən gecə növbəti mərhələyə 40 vəsiqənin taleyinə aydınlıq gətirdilər.
Qeyd edək ki, Azərbaycan ikinci təsnifat mərhələsində iki klubla təmsil olunurdu. “Xəzər Lənkəran” Polşa “Lech”, “İnter” isə Yunanıstan “Asteras”ı ilə mübarizə aparırdı. Amma çox təəssüf ki, hər iki klubumuz rəqibləri ilə mübarizədən məğlub ayrıldılar və Azərbaycan artıq bu turnirdə təmsil olunmur.
Beləliklə, növbəti mərhələyə vəsiqə qazanan 40 klub mübarizəyə məhz üçüncü təsnifat mərhələsindən başlayacaq 18 iştirakçı ilə birgə turnirin pley-off mərhələsinə 29 vəsiqənin taleyinə aydınlıq gətirəcəklər.
Qeyd edək ki, üçüncü təsnifat mərhələsinin ilk oyunları avqustun 2-də, cavab görüşləri isə bir həftə sonra - ayın 9-da keçiriləcək.
Avropa Liqası
3-cü təsnifat mərhələsi
2-9 avqust
Lech (Polşa) - AIK (İsveç)
Asteras (Yunanıstan) – Maritimo (Portuqaliya)
Athletic (İspaniya) - Slaven (Xorvatiya)
Anji (Rusiya) – Vitesse (Hollandiya)
Rapid (Buxarest, Rumıniya) - Heerenveen (Hollandiya)
Ruch (Polşa) - Viktoria (Çexiya)
Horsens (Danimarka) - Elfsborg (İsveç)
APOEL (Kipr) - Aalesund (Norveç)
Inter (İtaliya) - Hajduk (Xorvatiya)
Vojvodina (Serbiya) - Rapid (Vyana, Avstriya)
Genk (Belçika) – Aktobe (Qazaxıstan)
Tromse (Norveç) - Metallurg (Donetsk, Ukrayna)
Twente (Hollandiya) - Mlada Boleslav (Çexiya)
Bnei Yehuda (İsrail) - PAOK (Yunanıstan)
Dila Gori (Gürcüstan) – Anorthosis (Kipr)
Videoton (Macarıstan) - Gent (Belçika)
Eskişehirspor (Türkiyə) - Olympique (Marsel, Fransa)
Crvena Zvezda (Serbiya) – Omonia (Kipr)
Sarajevo (Bosniya) - Zeta (Monteneqro)
Admira Wacker (Avstriya) - Sparta (Çexiya)
Kalmar (İsveç) - Young Boys (İsveçrə)
Dundee United (Şotlandiya) - Dinamo (Moskva, Rusiya)
Arsenal (Kiyev, Ukrayna) - Mura (Sloveniya)
Bursaspor (Türkiyə) - Kuopio (Finlandiya)
Steaua (Buxarest, Rumıniya) - Spartak (Trnava, Slovakiya)
Gomel (Belarus) - Liverpool (İngiltərə)
Ried (Avstriya) - Legia (Polşa)
Servette (İsveçrə) – Rosenborg (Norveç)
St Patrick's (İrlandiya) - Hannover (Almaniya)
