28 iyul 2012 22:00
Sumqayıt Türkiyədən məğlubiyyətlə qayıdır (YENİLƏNİB)
Türkiyədə təlim-məşq toplanışda olan "Sumqayıt" qardaş ölkədəki hazırlıq prosesi çərçivəsində bu gün üçüncü yoxlama matçına çıxıb. Azerisport.az xəbər verir ki, baş məşqçi Bernard Raab yetirmələrini Türkiyə təmsilçisi ilə görüşdə sınayıb.
Rəqib "1461 Trabzon" klubu olub. Qeyd edək ki, bu komanda qardaş ölkənin TFF birinci liqasında çıxış edir. Bu komanda ilə görüş sumqayıtlıların məğlubiyyəti ilə başa çatıb.
Xatırladaq ki, "Sumqayıt" Türkiyədəki ilk sınaq matçını yerli “Kayseri Erciyesspor”a qarşı keçirmişdi – 2:2. Bernard Raabın komandası “Kayserispor”la görüşdə isə bu komandanın ikinci heyətini 6:0 hesabıyla üstələmişdi.
Yoxlama oyunu
28 iyul
SUMQAYIT – 1461 TRABZON - 0:1 (0:1)
44-cü dəqiqədə türklər hesabı açırlar
