30 iyul 2012 13:42
Türkiyə mətbuatı Simurqdan yazdı
Xəbər verdiyimiz kimi, yeni mövsümə hazırlıq çərçivəsində iyulun 14-dən 28-nə kimi Avstriyada təlim-məşq toplanışında olan "Simurq" son yoldaşlıq görüşündə Türkiyə Super Liqasında mübarizə aparan "Gaziantepspor" klubu ilə qarşı-qarşıya gəlib. Azerisport.az xəbər verir ki, qolsuz bərabərliklə bitən matç haqqında qardaş ölkə mətbuatda geniş yer ayrılıb.
Yerli www.olaymedya.com xəbər portalı "Simurqu gecemedik" başlıqlı yazısında oyun haqqında qısa məlumat verib. Telqraf agentliyi isə "Hocalardan dostluq görüntüləri", "Tatsız tutsuz bir maç" sərlövhəli xəbərlərində qarşılaşmadan öncə hər iki baş məşqçinin dostluq görüntüləri sərgiləyərək, bir-birlərinə uğurlar diləməsi və matçın şərhinə yer ayırıb. Yoldaşlıq görüşü haqqında ən geniş reportaj isə "Gaziantepgüneş" qəzetində hazırlanıb.
