30 iyul 2012 14:16
“Neftçi İsrailə yalnız qələbə qazanmaq üçün gedir”
"Neftçi"nin komanda direktoru Güloğlan Cabbarov "Hapoel"lə (Kiryat Şmona, İsrail) oyun öncəsi klubun rəsmi saytına danışıb. Azerisport.az xəbər verir ki, o, bunları dilə gətirib:
"Azərbaycan futbolu üçün tarixi nəticənin astanasındayıq. Tarix yazmaq üçün əlimizdə gözəl şans var. Futbolçularımız da bunun məsuliyyətini yaxşı anlayırlar. Komandamızın düşərgəsindəki ab-havaya da söz ola bilməz. Düzdü, İsrail təmsiliçilərinə qarşı komandalarımızın oyunu həmişə çətin olub. Buna baxmayaraq, "Neftçi" "Hapoel" Kiryat-Şmona ilə oyuna tam hazırdı. Əminliklə deyirəm ki, "Neftçi" İsrailə yalnız qələbə qazanmaq üçün gedir. Hər iki oyunda qalib gəlib, tarix yazacağımıza inanıram".
