2 avqust 2012 01:36
Çempionlar Liqasında 3-cü mərhələnin ilk oyunları başa çatdı (YENİLƏNİB)
Futbol üzrə UEFA Çempionlar Liqasında 3-cü təsnifat mərhələsinin ilk oyunları keçirilib. Azerisport.az xəbər verir ki, qitənin ən nüfuzlu klub turnirinin pley-off mərhələsinə vəsiqə uğrunda 28 kollektiv mübarizə aparır.
Sevindirici haldı ki, bu iştirakçılar arasında Azərbaycan çempionu “Neftçi” də var. “Ağ-qaralar” ikinci təsnifat mərhələsində mübarizədən kənarlaşdırdığı Gürcüstan “Zestafoni”sinin aqibətini bu dəfə İsrail təmsilçisi “Hapoel”ə (Kiryat Şmona) də yaşatmaq iddiasındaydı. Lakin çox təəssüf ki, ilk oyunda böyük hesabla uduzan "ağ-qaralar" bu şansı demək olar ki, boşa veriblər.
"Neftçi" kimi, qardaş Türkiyənin "Fenerbahçe" klubu da ilk oyunda uğursuzluqla üzləşib. Bu komanda da ev oyununda "Vaslui" klubuna məğlubiyyətdən son anda qurtula bilib.
Qeyd edək ki, bu mərhələni qalib başa vuran kollektivlər pley-off mərhələsinə vəsiqə qazanmaqla yanaşı daha bir mühüm şans əldə edəcəklər. Belə ki, pley-offda qələbə qazanacaq komandalar ÇL-in qrup mərhələsinə vəsiqə qazanacaqlarsa, məğlublar da birbaşa Avropa Liqasının qruplarında oynamaq fürsəti əldə edəcəklər. Elə ÇL-in üçüncü təsnifat mərhələsinin məğlubları da Avroliqanın pley-off mərhələsində mübarizə aparmaq şansına malikdilər.
ÇL-də üçüncü təsnifat mərhələsinin cavab görüşləri bir həftə sonra – avqustun 7-8-də keçiriləcək.
Çempionlar Liqası
3-cü təsnifat mərhələsi (ilk oyunlar)
31 iyul
Dinamo (Kiyev, Ukrayna) – Feyenoord (Hollandiya) - 2:1 (0:0)
Qollar: İmmers, 56-öz qapısına, İdeye, 69 - Şaken, 49.
Motherwell (Şotlandiya) - Panathinaikos (Yunanıstan) - 0:2 (0:1)
Qollar: Kristodolopulos, 14, Mavrias, 76.
1 avqust
BATE (Belarus) - Debrecen (Macarıstan) - 1:1 (0:0)
Qollar: Sidibe, 90+3-öz qapısına - Sidibe, 67.
Hapeol (Kiryat Şmona, İsrail) - NEFTÇİ (AZƏRBAYCAN) - 4:0 (1:0)
Qollar: B.Badaş, 42-pen, Ş.Abihazira, 52, B.Gerziçiç, 70; 76.
Şerif (Moldova) - Dinamo (Zaqreb, Xorvatiya) - 0:1 (0:1)
Qol: Beqiray, 15.
Molde (Norveç) - Basel (İsveçrə) - 0:1 (0:0)
Qol: Zoua, 79.
AEL Limassol (Kipr) - Partizan (Serbiya) - 1:0 (1:0)
Qol: Vouho, 13.
Copenhagen (Danimarka) - Brugge (Belçika) - 0:0 (0:0)
Maribor (Sloveniya) - Dudelange (Lüksemburq) - 4:1 (2:0)
Qollar: Mezqa, 13; 47, Tavares, 38, Beriç, 77 - Yoahim, 90+2.
Anderlecht (Belçika) - Ekranas (Litva) - 5:0 (3:0)
Qollar: De Sutter, 2, Kanu, 21, Mbokani, 41; 52, Yovanoviç, 87.
Slask (Polşa) - Helsingborg (İsveç) - 0:3 (0:1)
Qollar: Finnboqason, 36, Anderson, 72, Nordmark, 85.
CFR Cluj (Rumıniya) - Slovan (Çexiya) - 1:0 (0:0)
Qol: Çadu, 52-pen.
Celtic (Şotlandiya) – HJK (Finlandiya) - 2:1 (0:0)
Qollar: Kommons, 55, Malqrev, 61 - Şüller, 48.
Fenerbahçe (Türkiyə) - Vaslui (Rumıniya) - 1:1 (0:0)
Qollar: İrtegün, 90 - Antal, 75.
