1 avqust 2012 16:53
Braziliyalı futbolçu rəsmən Qəbələdə
“Qəbələ” daha bir futbolçu ilə sıralarını gücləndirib. Azerisport.az xəbər verir ki, Bolqarıstanın “Chernomorets” klubunda top qovan braziliyalı yarımmüdafiəçi Lorival Rodriqes Assis ilə 3 illik müqavilə imzalanıb.
Qeyd edək ki, bu transferlə bağlı xəbərlər hələ bir neçə gün öncədən yayılmışdı. Amma klub məhz bu gün rəsmi olaraq transferi təsdiqləyib.
Peşəkar karyerasına Braziliyada “İrati” klubunda start verən Assis daha sonra ölkəsində “Gremio Barueri”, “Sertaozinyo”, “Sao Seatano”, “CRB”, “Avai”, “Amerika”, “Botofoqo” kimi komandalarda top qovub. Yarımmüdafiəçi Bolqarıstana keçidinə qədər 2009-cu ildə İsveçin “Kalmar” klubunda legioner həyatı yaşayıb. Assis ötən mövsümü keçirdiyi Burqas təmsilçisində 25 oyunda 10 qol vurub.
Dosye
Lorival Rodriges Assis Filyo
Amplua: Yarımmüdafiəçi
Doğulduğu tarix: 03.02.1984
Doğulduğu yer: Braziliya
Boyu: 1,79 m
Çəkisi: 76 kq
