2 avqust 2012 13:12
Uğurlu məkanda uğurlu starta doğru
“Qəbələ” Premyer Liqanın yeni mövsümünə Zaqatalada start verəcək. Azerisport.az xəbər verir ki, “Simurq”un qonağı olacaq bu komanda rəqib meydanında oynasa da, kifayət qədər uğurlu məkanda oynayacaq. Belə ki, qəbələli futbolçular Zaqatalada keçirdiyi oyunlarda yaxşı nəticələr göstərir.
Sonuncu dəfə 2009-cu il mayın 10-da “Simurq”un meydanında xalsız qalan “Qəbələ” ardıcıl 4 səfəri məğlubiyyətsiz qayıdır. 1182 gündür Zaqatalada uduzmamaqla yanaşı, son 3 görüşdə meydan sahiblərindən qol da buraxılmayıb.
Ümumilikdə isə bu dəfəki görüş rəqiblərin 19-cu dueli olacaq. “Qəbələ” 9, “Simurq” 6 qələbə qazanıb, 3 oyunda isə qalib müəyyənləşməyib. Top fərqində isə üstünlük daha böyükdür – 23:15.
Zaqataladakı 10-cu duelədək 3 səfər qələbəsi olan “Qəbələ” 2 heç-heçə edib və 4 dəfə uduzub. Zaqatalada meydan sahibləri top fərqində öndədir – 10:9.
Birinci dəstə və Azərbaycan kubokundakı oyunları nəzərə almasaq isə “Qəbələ” 16 dəfə “Simurq”la görüşüb. 6 qələbəsi olan bu komanda 5 heç-heçə edib və eyni sayda məğlubiyyət alıb. Top fərqində də “Qəbələ öndədi – 16:12.
