2 avqust 2012 01:52
Juventus və baş məşqçisi şokda
İtaliyanın “Juventus” klubunun baş məşqçisi Antonio Konte cəzalandırılıb. Azerisport.az xəbər verir ki, danışılmış oyunlarda təqsirləndirilən mütəxəssis uzun müddət idi istintaqa cəlb olunmuşdu.
İtaliya futbolunu sarsıdan bu qalmaqallarla əlaqədar araşdırmalar nəticəsində Konte də cəzasız qalmayıb. Belə ki, o, 3 ay müddətinə futboldan kənarlaşdırılıb.
Kontenin cəzalandırılmasına səbəb kimi onun iki danışılmış oyunla bağlı xəbərdar olması, amma bunu müvafiq orqanlara deməməsi göstərilir. O, bu üzdən 3 ay müddətinə cəzalandırılmaqla yanaşı həm də 200 min avro pul cəriməsinə məruz qalıb.
Belədə “Juventus” rəhbərliyinin hansı qərarı verəcəyi maraqla gözlənilir. Qeyd edək ki, Konte ilə yola davam edəcəkləri halda, Turin təmsilçisi növbəti mövsümün böyük bir qismini baş məşqçisiz keçirməli olacaqlar.
