2 avqust 2012 14:06
Ağasəlim Mircavadov: Neftçi Hapoellə oyuna hazır deyildi
Futbol üzrə Azərbaycan yığmasının sabiq baş məşqçisi Ağasəlim Mircavadov azerisport.az saytına müsahibəsində “Neftçi”nin Çempionlar Liqasının üçüncü təsnifat mərhələsində İsrail çempionu “Hapoel”ə (Kiryat Şmona) məğlubiyyətindən (0:4) danışıb.
- “Neftçi”nin “Hapoel”lə səfər oyunu barədə nə deyə bilərsiz?
- Burda nədən danışmaq olar ki? “Neftçi” çox zəif oynadı. Sanki komanda görüşə hazır deyildi. Biz yalnız 25 dəqiqə futbol sərgiləyə bildik. Bundan sonra isə imkan verdik ki, “Hapoel” dörd qol vursun. Fikrimcə, qələbəni onlara biz özümüz bağışladıq.
- Bu məğlubiyyətdə günahkar kimdi?
- Bütün komanda. Oyunçuların necə səhvlər buraxdığını görmürdünüz? İkinci qolda Mehdiyev topa getməklə rəqib futbolçuya kömək etdi. Üçüncü və dördüncü qollar müdafiəçilərin kobud səhvindən sonra buraxıldı. Amma “Neftçi” bu komandanı keçə bilərdi.
- Belə oyunla?
- Belə oyunla yox. “Hapoel” orta səviyyəli bir komandadı. Qeyri-adi heç nə nümayiş etdirmədilər. Sadəcə, bizim çoxlu səhvlərimizdən yararlanıb, dörd qol vurdular.
- Belə oyunla yox. “Hapoel” orta səviyyəli bir komandadı. Qeyri-adi heç nə nümayiş etdirmədilər. Sadəcə, bizim çoxlu səhvlərimizdən yararlanıb, dörd qol vurdular.
- Bəs məşqçilərin səhvləri nədə idi?
- Hesab etmirəm ki, Tərlan Əhmədov nədəsə günahkardı. “Neftçi” yaxşı toplanış keçmişdi, komanda hazır idi. Futbolçu meydanda ona tapşırılanı etmirsə, buna Əhmədov nə etsin? Flavinyo özünü göstərə bilmədi. Məgər onu bunun üçün alıblar? Mitreski “Neftçi”dəki ən pis oyununu göstərdi.
- “Neftçi” cavab oyununda nəyə ümid edə bilər?
- Hətta “Neftçi” azarkeşləri də gözəl bilirlər ki, İsrail komandasına beş qol vurmaq artıq real deyil. Bu, fantastika olar. Amma olmayacaq. Sadəcə, imic xatirinə oynamaq olar.
- Avroliqanın pley-off mərhələsindən nə gözləmək olar?
- Yenə deyirəm: belə oyunla heç nə. Ən azı iki yeni futbolçu almaq lazımdı. Yaxşı qol vura bilən hücumçuya və mərkəz yarımmüdafiəçisinə ehtiyac var. Flavinyo güclü komandalarla oyunlarda sadəcə yer tutur.
- Yenə deyirəm: belə oyunla heç nə. Ən azı iki yeni futbolçu almaq lazımdı. Yaxşı qol vura bilən hücumçuya və mərkəz yarımmüdafiəçisinə ehtiyac var. Flavinyo güclü komandalarla oyunlarda sadəcə yer tutur.
- Bəlkə Azərbaycan klublarına qrup mərhələsi barədə düşünmək həqiqətən tezdi?
- Belə şəraitdə azarkeşlərin nəticə tələb etməyə haqları çatır. Amma çox təəssüf ki, komandalarımızda hələlik bu, alınmır. Başa düşürəm ki, futbolçular da belə nəticəni istəməzdilər. Amma ən azından səfərdə normal oyun sərgiləmək lazım idi.
- Belə şəraitdə azarkeşlərin nəticə tələb etməyə haqları çatır. Amma çox təəssüf ki, komandalarımızda hələlik bu, alınmır. Başa düşürəm ki, futbolçular da belə nəticəni istəməzdilər. Amma ən azından səfərdə normal oyun sərgiləmək lazım idi.
