3 avqust 2012 11:26
Zaur Ramazanov: Hər şeyə görə Kamran Ağayev özü günahkardı
“Xəzər Lənkəran”ın məşqçisi Zaur Ramazanov azerisport.az saytına müsahibəsində yeni mövsümün startından, mümkün transferlərdən, eləcə də Kamran Ağayevin komandadan uzaqlaşdırılmasından danışıb.
- Çempionat artıq başlamaq üzrə olsa da, siz hələ də transfer çalışmalarınızı başa vurmamısız. Niyə?
- Təəssüf ki, bizə yaxşı futbolçular təklif olunmur. “Xəzər Lənkəran” adi klub deyil. Burda yeni gələn futbolçulara incəliklə yanaşılır. Klubun səviyyəsi bizi daha yaxşı oyunçular seçməyə məcbur edir. Təklif olunanlar arasında bizə layiqlisi yox idi. Legioner yerli futbolçudan iki-üç baş üstün olmalıdı. Bilirik ki, az vaxt qalıb. Amma komandaya heç olmazsa, dörd yeni futbolçu lazımdı.
- Hansı mövqelərə?
- Hücumçu, yarımmüdafiəçi, xavbek və qapıçı.
- Hücumçu, yarımmüdafiəçi, xavbek və qapıçı.
- Baxışa çağırdığınız türkmənistanlı qapıçı ürəyinizcə olmadı?
- Raxmanberdı Alıxanov özünü məşqlərdə göstərə bilmədi. Yüksək səviyyəli qapıçı deyil. Ona görə də bu futbolçudan imtina etdik.
- Bəs Kamran Ağayevlə aranızda nə baş verdi ki, onunla yolları ayırmağa qərar verdiniz?
- Mənim bundan xəbərim yoxdu. Ağayevlə bağlı qərarı klub rəhbərliyi qəbul edib. Onlar da nəyisə elə-belə yerə etməzlər. Deməli, nəsə səbəbi olub. Günahı oyunçuda axtarmaq lazımdı. İnsan intizamlı olmağa çalışmalıdı.
- Mənim bundan xəbərim yoxdu. Ağayevlə bağlı qərarı klub rəhbərliyi qəbul edib. Onlar da nəyisə elə-belə yerə etməzlər. Deməli, nəsə səbəbi olub. Günahı oyunçuda axtarmaq lazımdı. İnsan intizamlı olmağa çalışmalıdı.
- Ağayev hansı intizam pozuntusuna yol vermişdi ki?
- Bilmirəm. Amma indi təsəvvür edin ki, Kamranın bu klub üçün etdiklərinin ardından belə bir qərar çıxarılıbsa, deməli, ortada ciddi bir səbəb var. Mən özüm də “Xəzər Lənkəran”da oynamışam. Yadıma gəlir ki, səhər məşqinə gec çıxdığıma görə, məni də tənqid edirdilər. Qaydalar hamı üçün eynidi.
- Bilmirəm. Amma indi təsəvvür edin ki, Kamranın bu klub üçün etdiklərinin ardından belə bir qərar çıxarılıbsa, deməli, ortada ciddi bir səbəb var. Mən özüm də “Xəzər Lənkəran”da oynamışam. Yadıma gəlir ki, səhər məşqinə gec çıxdığıma görə, məni də tənqid edirdilər. Qaydalar hamı üçün eynidi.
- Geri qayıtmaq variantı var?
- Bu sualınıza cavab verə bilmərəm. Rəhbərlikdən soruşun.
- Bu sualınıza cavab verə bilmərəm. Rəhbərlikdən soruşun.
- Elə isə, ilk turda “Xəzər Lənkəran”ın qapısını kim qoruyacaq?
- Bizim iki qapıçımız var. Kamal Bayramov da indi yaxşı formadadı. Qapıçısız qalmarıq.
- Bizim iki qapıçımız var. Kamal Bayramov da indi yaxşı formadadı. Qapıçısız qalmarıq.
- Yeni mövsüm üçün hədəfiniz qızıl dubldu?
- Hələ “Rəvan”la ilk oyunumuzu düşünürük. Bu komanda çox güclənib. Çətin oyun olacaq. Avrokuboklarda olanları unutmağımız lazımdı. Tam olaraq çempionata və ölkə kubokuna köklənməliyik. Nəyin necə olacağını mövsümün sonu göstərər.
