3 avqust 2012 12:09
Makedoniya yığmasının forvardı Azərbaycan klubundan imtina etdi
Ukraynanın “Sevastopol” klubunun makedoniyalı futbolçusu Besart İbraimi yenicə icarə əsasında keçdiyi “Tavriya”nı seçməsinin səbəblərindən danışarkən bəyan edib ki, o, Azərbaycandan da təklif alıbmış. Azerisport.az xəbər verir ki, o, sonda Azərbaycan klubunu yox, məhz Ukrayna təmsilçisini seçib:
“Mən bilirəm ki, Ukraynada futbolu daha çox sevirlər. Sizin aparıcı klublarınız daim avrokuboklarda çıxış edirlər. Bilirdim ki, Ukrayna çempionatında oynamaqla ustalıq səviyyəsini artırmaq olur. Düzdü, Azərbaycandan və Çindən də təklif var idi. Amma mən Avropada oynamaq istəyirdim. Çünki Makedoniya yığmasının məşqçilərinin gözü qarşısında qalmaq istəyirəm”.
“Mən bilirəm ki, Ukraynada futbolu daha çox sevirlər. Sizin aparıcı klublarınız daim avrokuboklarda çıxış edirlər. Bilirdim ki, Ukrayna çempionatında oynamaqla ustalıq səviyyəsini artırmaq olur. Düzdü, Azərbaycandan və Çindən də təklif var idi. Amma mən Avropada oynamaq istəyirdim. Çünki Makedoniya yığmasının məşqçilərinin gözü qarşısında qalmaq istəyirəm”.
Qeyd edək ki, 1986-cı il təvəllüdlü Besart hücumçudu. Maraq üçün bildirək ki, İbraimi 2006-2007 mövsümündə “Vlazrimi” (32 oyun, 4 qol), 2007-2008 mövsümündə “Napredok” (43 oyun, 14 qol), 2008-2010 mövsümündə “Renova” (42 oyun, 25 qol), 2010-2011 mövsümündə isə Almaniyanın “Schalke” klubunda çıxış edib (2 oyun). 2011-ci ildə transfer olunduğu “Sevastopol”da 22 oyuna 9 qol vurub. O, həm də Makedoniya yığmasında 7 oyun keçirib.
