4 avqust 2012 19:47
Yeni mövsümün ilk qolunu legioner futbolçu vurdu
Futbol üzrə Azərbaycan Premyer Liqasının 2012-2013 mövsümünün ilk qolu vurulub. Azerisport.az xəbər verir ki, ilk qolun müəllifi gürcü futbolçu olub.
Belə ki, bu gün startı verilən Premyer Liqanın ilk turunda “Kəpəz” “Turan”ı qəbul edir. Qərb derbisində “Kəpəz”in yeni transferi İrakli Beraya rəqib qapısına yol tapmaqla həm komandasını hesabda önə keçirib, həm də mövsümün ilk qolunu vurub.
Qeyd edək ki, İrakli Beraya bir müddət əvvəl qardaşı Qoqa Beraya ilə birlikdə transfer olunub. Beraya qardaşlarını 2005-ci ildə “Kəpəz”ə Şahin Diniyev gətirib. İraklinin son klubu Gürcüstan “Dila”sı (Qori) olub.
