6 avqust 2012 00:57
Millimizin forvardı oynamadı, komandası məğlub oldu (YENİLƏNİB)
Futbol üzrə Azərbaycan yığmasının hücumçusu Vüqar Əsgərovun şərəfini qoruduğu "Metallurg" Latviya çempionatında növbəti matçını keçirib. Azerisport.az xəbər verir ki, Liepaya klubu ölkə çempionatının 21-ci turu çərçivəsində “Ventspils”in qonağı olub.
Qarşılaşma rəqib meydanında keçirilirdi. Buna görə də liepayalılar çətin səfərdən xalla qayıtmağı bacarmayıblar. Görüş 1:0 hesabıyla meydan sahiblərinin xeyrinə bitib.
Millimizin forvardı bu görüşdə forma geyməyib. O, sona kimi ehtiyatda qalıb.
Qeyd edək ki, hazırda Liepaya klubu 19 oyundan sonra 32 xalla turnir cədvəlinin 4-cü pilləsində qərarlaşıb və ehtiyatda iki oyunu var.
Latviya çempionatı
21-ci tur
5 avqust
Ventspils – Metallurg – 1:0
