8 avqust 2012 16:44
Qarabağ Neftçi ilə derbi matçının hazırlıqlarına başladı
“Qarabağ” derbinin hazırlıqlarına başlayıb. Azerisport.az xəbər verir ki, Premyer Liqanın 2-ci turunda “Neftçi”ylə qarşılaşacaq komanda bu gündən tam heyətlə çalışmalarını sürdürəcək.
Bazar günü ilk turda “İnter”lə qarşılaşdıqdan sonra ertəsi gün komandanın baş məşqçisi Qurban Qurbanov futbolçulara istirahət vermişdi. Dünəndən etibarən “ağ-qaralar”la görüşün hazırlıqlarına başlayan komanda bu gün tək çalışmasını 19:00-da Suraxanı qəsəbə stadionunda keçəcək.
Xatırladaq ki, “Qarabağ” – “Neftçi” oyunu rəqibin avrokubokdakı mücadiləsiylə əlaqədar olaraq avqustun 10-dan 11-nə keçirilib. Oyun Mərdakandakı “Dalğa Arena”da keçiriləcək və 20:00-da start götürəcək.
