8 avqust 2012 00:07
“Neftçinin 0:4-ün əvəzini çıxması real deyil”
İsrail çempionu “Hapoel”in (Kiryat Şmona) baş məşqçisi Gil Landu UEFA Çempionlar Liqasının üçüncü təsnifat mərhələsi çərçivəsində “Neftçi”yə qarşı keçirəcəkləri cavab matçı ilə bağlı fikirlərini açıqlayıb. Azerisport.az xəbər verir ki, o, Bakıda baş tutacaq qarşılaşma öncəsi bunları dilə gətirib:
“Biz özümüz də “Neftçi”ni böyük hesabla məğlub edəcəyimizi gözləmirdik. Amma buna nail ola bildik. İndi arxayınlaşmamaq lazımdı. Rəqibin heyətindəki dəyişikliklərə gəlincə, biz hər şeyə hazırıq. Adətən darmadağınlardan sonra belə şeylər olur. “Neftçi” ilk matçda pis oynadı. Heç biz də özümüzün ən yaxşı oyunumuzu sərgiləmədik. Çalışacağıq ki, bunu Bakıda edəck. Komandam üçün cavab matçında heç bir faciəvi sürpriz gözləmirəm. Çünki 0:4-ün əvəzini çıxmaq real deyil”.
Qeyd edək ki, bu komandalar arasında avqustun 1-də Hayfa şəhərində keçirilən ilk oyunda “Hapoel” 4:0 hesabıyla qalib gəlmişdi. Cavab qarşılaşması isə bu gün “Dalğa Arena”da keçiriləcək və saat 21:00-da start götürəcək.
