Neftçinin heç-heçəsi UEFA reytinqində 1 pillə irəliləməyimizə səbəb oldu

UEFA Çempionlar Liqasının üçüncü təsnifat mərhələsinin ötən gün baş tutan cavab oyunları Azərbaycanı UEFA reytinq cədvəlində irəli salıb. Azerisport.az xəbər verir ki, ölkəmiz bu siyahıda bir pillə irəliləməyə nail olub.

 

Qeyd edək ki, ötən gün Azərbaycanın avrokuboklardakı təmsilçilərindən sonuncusu – “Neftçi” növbəti oyununu keçirdi. Belə ki, “ağ-qaralar” İsrailin “Hapoel” (Kiryat Şmona) klubunu qəbul etdi. Paytaxt klubu iki dəfə hesabda önə keçdiyi görüşdə qələbə qazanmağa çox yaxın olsa da, sonda heç-heçə ilə kifayətlənməli oldu – 2:2.

 

Amma “Neftçi”nin nail olduğu bu heç-heçə ölkəmizin reytinqinə müəyyən töhvə verdi. Belə ki, paytaxt klubu ümumi hesaba daha 0,125 xal yazdırmış oldu.

 

Hazırda bir pillə irəliləyən Azərbaycan UEFA reytinqində 53 ölkə arasında 35-cidi və hesabında 7.416 reytinq xalı var ki, onun da 1.875-i cari mövsümdə qazanılıb. Bundan 0,750 xal “İnter”in, 0,500 xal “Xəzər Lənkəran”ın, 0,500-ü “Neftçi”nin, qalanı isə “Bakı”nın (0,125) payına düşür.

 

Onu da əlavə edək ki, klublarımızın istənilən qələbəsi Azərbaycana 0,250 reytinq xalı qazandırırdı. Heç-heçə isə sadəcə 0,125 xal verir.

 

Sonda reytinq cədvəlinin son variantını təqdim edirik: