9 avqust 2012 12:02
Kanales: Neftçi hətta Milan İnteri ilə də oyuna hazır olmalıdı
“Neftçi”nin hücumçusu Nikolas Kanales UEFA Çempionlar Liqasının üçüncü təsnifat mərhələsi çərçivəsində İsrail çempionu “Hapoel”ə (Kiryat Şmona) qarşı keçirdikləri cavab matçından (2:2) sonra azerisport.az saytının suallarını cavablandırıb.
- İlk oyunda dörd qol buraxdığınız kimi, cavab matçında da heç bir sürprizə imza ata bilmədiniz...
- Biz müsbət nəticəyə nail olmağı istəyirdik və buna ümidli idik. Hamı gördü ki, komanda növbəti mərhələyə adlamaq üçün əlindən gələni etdi. Fikrimcə, azarkeşlər komandanın bu cür oyunundan razı qaldılar.
- Bəs siz özünüz Çempionlar Liqasındakı çıxışınızdan razı qaldınız?
- Əgər mərhələ keçə bilmədiksə, razı qala bilmərəm. Amma pley-off mərhələsinə qədər irəliləyə bilsəydik, başqa məsələ.
- Əgər mərhələ keçə bilmədiksə, razı qala bilmərəm. Amma pley-off mərhələsinə qədər irəliləyə bilsəydik, başqa məsələ.
- Bunu reallaşdırmağınıza nə mane oldu ki?
- İlk növbədə birinci oyunun nəticəsi. Belə bir fərqi aradan qaldırmaq çox çətin idi. Etiraf edim ki, bizə sıradan rəqib düşməmişdi. Baxmayaraq ki, bu komandanı keçməyin mümkünlüyünü də qeyd etmək istərdim. Əgər bəxt az da olsa, bizim tərəfimizdə olsaydı, mərhələ keçə bilərdik.
- Bəlkə rəqibə daha çox pressinq tətbiq etmək lazım idi. “Hapoel”in baş məşqçisi də bildirir ki, “Neftçi”də məhz bu çatışmırdı...
- Bacardığımız qədər pressinq edirdik.
- Bəs bu oyunlarda qol vurmağınıza nə mane oldu?
- Qol vurmağı çox istəyirdim. Komanda daha çox uzaqdan zərbələrə üstünlük verirdi. Belədə mənə ancaq komanda yoldaşlarımı zərbə mövqeyinə çıxarmaq qalırdı. Avropa Liqasında fərqlənə biləcəyimə ümid edirəm.
- Qol vurmağı çox istəyirdim. Komanda daha çox uzaqdan zərbələrə üstünlük verirdi. Belədə mənə ancaq komanda yoldaşlarımı zərbə mövqeyinə çıxarmaq qalırdı. Avropa Liqasında fərqlənə biləcəyimə ümid edirəm.
- Orda “Hapoel”dən də güclü rəqiblə üzləşə bilərsiz...
- Deməli, bizə öz oyunumuzu daha da yaxşılaşdırmaq lazımdı. “Neftçi” hətta İtaliya “İnter”inə də qarşı oynamağa hazır olmalıdı.
