9 avqust 2012 00:17
Rəşad Sadiqov: Hər şeyi bir səhv korladı
“Neftçi”nin kapitanı Rəşad Sadiqov UEFA Çempionlar Liqasının üçüncü təsnifat mərhələsi çərçivəsində İsrail çempionu “Hapoel”ə (Kiryat Şmona) qarşı keçirdikləri cavab matçı ilə bağlı fikirlərini açıqlayıb. Azerisport.az saytına müsahibəsində o, Bakıdakı heç-heçə (2:2) ilə bağlı öncə bunları dilə gətirib:
- Hesab edirəm ki, yaxşı futbol göstərdik. Demək olar ki, 90 dəqiqə pressinq tətbiq etdik. Rəqibə göz açmağa imkan vermədik. Xeyli qol epizodu yaratdıq. İki qol da vurduq. Amma sonda təəssüf ki, istədiyimiz nəticəyə nail ola bilmədik. Məğlubiyyətə baxmayaraq, hesab edirəm ki, yaxşı oynadıq və qələbə qazana bilərdik.
- Bəs buna nə mane oldu ki?
- Hesab 1:0 olanda çox kobud səhvə yol verdik. Bu da hər şeyi korladı. İstənilən halda bu oyunu hesabımıza yazmaq olar. Hesabı açanda uğur qazanacağımıza ümidimiz var idi. Dərhal ikinci qolu vursaydıq, hər şey başqa cür də ola bilərdi. Ümumiyyətlə, ilk 20 dəqiqə ərzində kifayət qədər qol epizodumuz oldu. Onlardan yararlana bilsəydik, hər şey fərqli ola bilərdi.
- Hesab 1:0 olanda çox kobud səhvə yol verdik. Bu da hər şeyi korladı. İstənilən halda bu oyunu hesabımıza yazmaq olar. Hesabı açanda uğur qazanacağımıza ümidimiz var idi. Dərhal ikinci qolu vursaydıq, hər şey başqa cür də ola bilərdi. Ümumiyyətlə, ilk 20 dəqiqə ərzində kifayət qədər qol epizodumuz oldu. Onlardan yararlana bilsəydik, hər şey fərqli ola bilərdi.
- Bu gün uzaqdan zərbələrə çox üstünlük verirdiniz...
- Bəli, uzaqdan zərbələri də yoxlayırdıq. Çünki rəqib öz cərimə meydanına toplaşmışdı. Ona görə də çarə uzaqdan zərbələrə idi. Amma bu da asanlıqla başa gəlmirdi.
- Amma bu gün sərgilədikləri oyun bir daha göstərdi ki, İsrail çempionunu tamamilə keçmək mümkün idi...
- Mən deməzdim ki, “Hapoel” zəif komandadı. Sadəcə, 4:0 hesablı ev qələbəsindən sonra onlarda motivasiya daha yüksək idi.
- İndi “Neftçi”nin Avropa Liqasının pley-off mərhələsi gözləyir. Hansı ki, burdakı rəqibiniz daha çətin komanda ola bilər...
- Bilirik ki, ordakı rəqiblər daha güclü komandalardı. Amma nə etmək olar? Oynamalıyıq.
