9 avqust 2012 12:37
İnterin Qəbələ ilə oyunlarda aşkar üstünlüyü var
Premyer Liqanın 2-ci turunun “İnter” - “Qəbələ” qarşılaşması bu komandalar uçün sayca 19-cu oyun olacaq. Azerisport.az xəbər verir ki, indiyə qədər baş tutan 18 oyundan 16-sı çempionat çərçivəsində keçirilib, 2 oyun isə ölkə kubokunda baş tutub.
18 görüşün 9-da “İnter” qalib gəlməyi bacarıb, 6 qarşılaşma heç-heçəylə başa çatıb, 3 oyunda isə “Qələbə” daha üstün olub. Topların fərqi bakılıların xeyrinədi: 28-13.
Birinci dəfə komandalar 2006-cı il avqustun 5-də qarşılaşıb. O zaman “Qəbələ” “Gilan” adıyla çıxış edirdi. Qeyd edək ki, ilk görüş qolsuz heç-heçəylə başa çatıb. İkinci matçda isə “İnter” rəqibini 2:0 hesabıyla məğlub etməyi bacarıb. “Qəbələ” - "İnter" qarşıdurmasının tarixçəsində ilk qolun müəllifi bakılıların hücümçusu Daniel Axtyamov olub.
Çempionat çərçivəsində komandalar 16 dəfə üz-üzə gəliblər. Bu oyunların 8-də “İnter” qələbə qazanıb, 6 matç heç-heçəylə başa çatıb, 2 dəfə isə "Qələbə" meydanı üç xalla tərk edib. Topların fəqri 24:11 “İnter”in xeyrinədi. Azərbaycan çempionatı çərçivəsində komandalar 9 dəfə “Qəbələ” klubunun meydanında qarşılaşıb. Belə ki, baş tutan 9 səfər oyununda “İnter” rəqibini 3 dəfə məğlubiyyətə uğradıb, eyni sayda qalibiyyətlərə "Qəbələ" də malikdi, qalan 3 matç isə heç-heçəylə yekunlaşıb. Topların fərqi "Qəbələ"nin xeyrinədi - 7:6.
Ötən mövsümdə bu komandalar bir-biri ilə 4 dəfə qarşılaşıb. İki görüşdə qalib müəyyənləşməyib - 1:1, 0:0, bir oyunda “Qəbələ” meydandan qalib ayrılıb - 2:1, digər matçda isə "İnter" qələbə qazanıb - 2:1.
Xatırladaq ki, “Qəbələ” - "İnter" qarşılaşması avqustun 10-da saat 19.00-da başlayacaq.
