10 avqust 2012 14:51
Simurq Bakı ilə oyuna bir itki ilə çıxacaq
Premyer Liqanın II turu çərçivəsində "Bakı"nın qonağı olacaq "Simurq" Peşəkar Futbol Klubu qarşılaşmanın keçiriləcəyi meydanda son məşqinə çıxıb. Azerisport.az xəbər verir ki, bir saata yaxın davam edən hazırlıq isinmə hərəkətləri ilə başlayıb. Sonda isə qısa ötürmələr üzrə tapşırıqlar yerinə yetirilib.
Qeyd edək ki, "Bakı" - "Simurq" oyunu saat 19:00-da start götürəcək. Rüstəm Abbasovdan başqa hazırda komandanın heyətində zədəli futbolçu yoxdu. Xatırladaq ki, bu oyun hər iki kollektivin 13-cü dueli olacaq. "Simurq" paytaxta keçirilən son 3 qarşılaşmanın heç birində "Bakı"ya məğlub olmayıb.
