10 avqust 2012 16:58
Azərbaycan çempionu tanış rəqibə qarşı
Xəbər verdiyimiz kimi, Azərbaycan çempionu “Neftçi” Avropa Liqasının üçüncü təsnifat mərhələsində Cənubi Kiprin APOEL klubu ilə qarşılaşacaq. Azerisport.az xəbər verir ki, bu, Azərbaycan və Cənubi Kipr klublarının avrokuboklarda ikinci görüşü olacaq.
Belə ki, APOEL “Neftçi”nin avrokuboklardakı ilk rəqibi olub. 1995-1996 mövsümündə artıq tarixin arxivinə qovuşmuş Kuboklar Kubokunun birinci təsnifat mərhələsində bu komandalar üz-üzə gəlmişdilər. Bakıdakı oyun 0:0, səfərdəki matç isə APOEL-in 3:0 hesablı qələbəsi ilə yekunlaşmışdı.
İndi bu komandalar yenidən üz-üzə gələcəklər. Hər halda ümid edək ki, “Neftçi” çətin rəqibindən həmin yenilginin qisasını alacaq və tarix yazaraq Avroliqanın qrup mərhələsinə çıxacaq.
