10 avqust 2012 12:21
Azarkeşlər meydana axışdı, Avroliqa oyunu yarıda qaldı
Avropa Liqasının 3-cü təsnifat mərhələsinin cavab oyunları çərçivəsində keçirilən “Anorthosis” (Cənubi Kipr) – “Dila Gori” (Gürcüstan) matçı qalmaqalla yadda qalıb. Azerisport.az xəbər verir ki, sözügedən qarşılaşma başa çatmayıb.
Belə ki, oyun 83-cü dəqiqədə – gürcülər hesabda 3:0 öndə olduğu vaxt dayandırılıb. Matçın yarımçıq dayandırılmasına Cənubi Kirp klubunun azarkeşləri səbəb olub. Belə ki, komandalarının 0:3 hesablı məğlubiyyətini həzm edə bilməyən fanatlar meydana axışıblar. Nəticədə meydanda xoşagəlməz olaylar yaşanıb və hakim oyunu dayandırıb.
Oyunla bağlı qərarı UEFA Nizam-İntizam Komtəsi verəcək. Böyük ehtimalla “Anorthosis” texniki məğlubiyyətə məruz qalacaq və cərimələnəcək. Yəni istənilən halda mərhələ adlayan tərəf qonşu ölkə təmsilçisi olacaq.
