13 avqust 2012 01:55
Fransa çempionatı: İlk tura yekun vuruldu (YENİLƏNİB)
Futbol üzrə Fransa çempionatında yeni mövsümə start verilib. Azerisport.az xəbər verir ki, mövsümün açılış turunun ilk oyun günündə bir qarşılaşma baş tutub.
Son çempion “Montpellier” evdə “Toulouse” ilə qarşılaşıb. Qarşılaşmada hesabı meydan sahibləri açsa da, fasilədən sonra bu üstünlüyü əldən veriblər. Beləcə, Fransa çempionatında yeni mövsüm heç-heçə ilə start götürüb.
Turun əksər qarşılaşmaları ikinci oyun gününə təsadüf edib. Yeni mövsümün əsas favoritlərindən sayılan PSG də mövsümə qələbə ilə başlaya bilməyib. Belə ki, bu komanda “Lorient” ilə ev oyununda heç-heçə ilə kifayətlənməli olub. “Nancy” “Brest” üzərində qələbəyə sevinib. Qalan görüşlərin hamısında isə qonaqlar qələbə qazanan tərəf olublar. Belə ki, “Evian” “Bordeaux”, “Nice” “Ajaccio”, “Rennes” “Olympique” (Lion), “Saint-Etienne” “Lille”, “Sochaux” “Bastia”, “Troyes” isə “Valenciennes” ilə ev oyununda məğlubiyyətdən yaxa qurtara bilməyib.
Turun qapanış matçında isə “Reims” və “Olympique” (Marsel) qarşılaşıb. Marsel təmsilçisi çətin səfərdə yeganə qolla üstün olub və mövsümə qələbə ilə başlayıb.
Fransa, Liqa 1
1-ci tur
10 avqust
Montpellier – Toulouse – 1:1
Qollar: Kamara, 34 – Yedder, 72.
11 avqust
Evian – Bordeaux – 2:3
Qollar: Vass, 18, Xelifa, 90 – Obraniak, 11, Gufran, 15, Sayvet, 53.
Nancy – Brest – 1:0
Qol: Mollo, 90.
Nice – Ajaccio – 0:1
Qol: Eduardo, 11.
PSG – Lorient – 2:2
Qollar: İbrahimoviç, 65; 90-pen – Maksvel, 5-öz qapısına, Aliadiere, 45.
Rennes – Olympique (Lion) – 0:1
Qol: Qurkuf, 16.
Saint-Etienne – Lille – 1:2
Qollar: Hamuma, 74 – Çedyu, 58, Pedretti, 90.
Sochaux – Bastia – 2:3
Qollar: Privat, 13, Dubai, 89 – Modeste, 59, Maulida, 74; 83.
Troyes – Valenciennes – 0:1
Qol: Rinkon, 34-öz qapısına.
12 avqust
Reims - Olympique (Marsel) - 0:1
Qol: Şeyru, 77.
